Gwybodaeth am y Prosiect

Yn y fan agosaf, bydd y Prosiect tua 30km o arfordir Swydd Gaerhirfryn

Pan fydd y fferm wynt yn gwbl weithredol, rhagwelir y bydd yn cynhyrchu capasiti enwol o 480MW ac yn cynhyrchu pŵer adnewyddadwy ar gyfer dros 500,000 o gartrefi yn y DU, yn ogystal â darparu dewis ymarferol yn lle gorsafoedd cynhyrchu ynni sy’n cael eu pweru gan danwydd ffosil.

Bydd y prosiect hwn yn chwarae rhan allweddol yn y gwaith o fynd i’r afael â’r newid yn yr hinsawdd drwy wneud y canlynol:

• Cynhyrchu trydan carbon isel o fferm wynt ar y môr i gefnogi datgarboneiddio a diogelwch cyflenwad trydan y DU.
• Manteisio i’r eithaf ar y capasiti cynhyrchu o fewn cyfyngiadau’r safleoedd a’r seilwaith grid sydd ar gael.
• Darparu swm arwyddocaol o ynni gwynt ar y môr i gefnogi targed Sero Net Llywodraeth y DU erbyn 2050 a’r ymrwymiad i ddarparu hyd at 50 gigawat (GW) o ynni gwynt ar y môr erbyn 2030.
• Cyfrannu at gyflawni nodau Strategaeth Diogelwch Ynni y DU.

Ein nodau hefyd yw:

• Cydfodoli a chydweithio â gweithgareddau, datblygwyr a gweithredwyr eraill er mwyn gallu cael cydbwysedd rhwng gwahanol ddefnyddwyr.
• Cyfrannu at yr economi leol, ranbarthol a chenedlaethol drwy fuddsoddi, yn ogystal â chynnig cyfleoedd cyflogaeth a seilwaith newydd yn ystod pob cam o’r prosiect.
• Parhau i gadw costau technegol a datblygu yn isel er mwyn darparu ynni cost isel i ddefnyddwyr a darparu buddion cymunedol er mwyn helpu i gyfrannu at y frwydr yn erbyn tlodi tanwydd.
• Cyd-fynd â’r prif ffactorau sy’n sbarduno diweddariadau i bolisïau cenedlaethol.